Ech be am 24. Juni 1984 em Kantonsspital Luzern onderem Name Raphaël Guilgot gebore. Nochdem mini eltere 1986 ghürote hend esch de nüme gse med dem schöne wälsche Name (stoltze wälsche beni jawohl), de esch de Heiz drusworde. Aber au Heiz fendi ergendwie geil, dass ghört me nämli nor genau 100 mol ede Schwiz. Chond sowit ech informiert be us Österreich. Kei Wetze ded dröber, söscht... ;-) Aber weder zrog zo mer. Han de en “relativ” normali Chendheit gha, be aber sehr vell uf d Schnorre gheit, dass heisst ech be usem fahrende Auto gheit, wohär me höt no uf minere Sterne, weni d Hoor zom Gsecht us han, gseht, welli 1. es Loch gha han ond 2. hani Autolack em Loch ene gha, womer ned usgno hed ond woni de nochträglich weder han chöne la useoperiere, ech vom Polt gheit ond aber d Ohrmoschle ufgschletzt ond no velles me. Be glaubs bes 12i fascht jedes Johr mole em Spital gse wäge öbisem, mol länger mol chörzer. Aber wer me wot dedröber wösse chan mech jo persönlich froge.

Me folgt no, muess jo no spannend blibe.